|
|
|
|
|
|
TO TIMOTHY 2 -4|
|
ΠΡΟΣ ΤΙΜΟΘΕΟΝ Β΄ - 4 1 Διαμαρτύρομαι οὖν ἐγὼ ἐνώπιον τοῦ Θεοῦ καὶ τοῦ Κυρίου Ἰησοῦ Χριστοῦ, τοῦ μέλλοντος κρίνειν ζῶντας καὶ νεκροὺς κατὰ τὴν ἐπιφάνειαν αὐτοῦ καὶ τὴν βασιλείαν αὐτοῦ, 2 κήρυξον τὸν λόγον, ἐπίστηθι εὐκαίρως ἀκαίρως, ἔλεγξον, ἐπιτίμησον, παρακάλεσον, ἐν πάσῃ μακροθυμίᾳ καὶ διδαχῇ. 3 ἔσται γὰρ καιρὸς ὅτε τῆς ὑγιαινούσης διδασκαλίας οὐκ ἀνέξονται, ἀλλὰ κατὰ τὰς ἐπιθυμίας τὰς ἰδίας ἑαυτοῖς ἐπισωρεύσουσι διδασκάλους κνηθόμενοι τὴν ἀκοήν, 4 καὶ ἀπὸ μὲν τῆς ἀληθείας τὴν ἀκοὴν ἀποστρέψουσιν, ἐπὶ δὲ τοὺς μύθους ἐκτραπήσονται. 5 σὺ δὲ νῆφε ἐν πᾶσι, κακοπάθησον, ἔργον ποίησον εὐαγγελιστοῦ, τὴν διακονίαν σου πληροφόρησον. 6 ἐγὼ γὰρ ἤδη σπένδομαι, καὶ ὁ καιρὸς τῆς ἐμῆς ἀναλύσεως ἐφέστηκε. 7 τὸν ἀγῶνα τὸν καλὸν ἠγώνισμαι, τὸν δρόμον τετέλεκα, τὴν πίστιν τετήρηκα· 8 λοιπὸν ἀπόκειταί μοι ὁ τῆς δικαιοσύνης στέφανος, ὃν ἀποδώσει μοι ὁ Κύριος ἐν ἐκείνῃ τῇ ἡμέρᾳ, ὁ δίκαιος κριτής, οὐ μόνον δὲ ἐμοί, ἀλλὰ καὶ πᾶσι τοῖς ἠγαπηκόσι τὴν ἐπιφάνειαν αὐτοῦ. 9 Σπούδασον ἐλθεῖν πρός με ταχέως· 10 Δημᾶς γάρ με ἐγκατέλιπεν ἀγαπήσας τὸν νῦν αἰῶνα, καὶ ἐπορεύθη εἰς Θεσσαλονίκην, Κρήσκης εἰς Γαλατίαν, Τίτος εἰς Δαλματίαν· 11 Λουκᾶς ἐστι μόνος μετ’ ἐμοῦ. Μᾶρκον ἀναλαβὼν ἄγε μετὰ σεαυτοῦ· ἔστι γάρ μοι εὔχρηστος εἰς διακονίαν. 12 Τυχικὸν δὲ ἀπέστειλα εἰς Ἔφεσον. 13 τὸν φαιλόνην, ὃν ἀπέλιπον ἐν Τρῳάδι παρὰ Κάρπῳ, ἐρχόμενος φέρε, καὶ τὰ βιβλία, μάλιστα τὰς μεμβράνας. 14 Ἀλέξανδρος ὁ χαλκεὺς πολλά μοι κακὰ ἐνεδείξατο· ἀποδῴη αὐτῷ ὁ Κύριος κατὰ τὰ ἔργα αὐτοῦ· 15 ὃν καὶ σὺ φυλάσσου· λίαν γὰρ ἀνθέστηκε τοῖς ἡμετέροις λόγοις. 16 Ἐν τῇ πρώτῃ μου ἀπολογίᾳ οὐδείς μοι συμπαρεγένετο, ἀλλὰ πάντες με ἐγκατέλιπον· μὴ αὐτοῖς λογισθείη· 17 ὁ δὲ Κύριός μοι παρέστη καὶ ἐνεδυνάμωσέ με, ἵνα δι’ ἐμοῦ τὸ κήρυγμα πληροφορηθῇ καὶ ἀκούσῃ πάντα τὰ ἔθνη· καὶ ἐρρύσθην ἐκ στόματος λέοντος. 18 καὶ ρύσεταί με ὁ Κύριος ἀπὸ παντὸς ἔργου πονηροῦ καὶ σώσει εἰς τὴν βασιλείαν αὐτοῦ τὴν ἐπουράνιον· ᾧ ἡ δόξα εἰς τοὺς αἰῶνας τῶν αἰώνων· ἀμήν. 19 Ἄσπασαι Πρίσκαν καὶ Ἀκύλαν καὶ τὸν Ὀνησιφόρου οἶκον. 20 Ἔραστος ἔμεινεν ἐν Κορίνθῳ, Τρόφιμον δὲ ἀπέλιπον ἐν Μιλήτῳ ἀσθενοῦντα. 21 σπούδασον πρὸ χειμῶνος ἐλθεῖν. ἀσπάζεταί σε Εὔβουλος καὶ Πούδης καὶ Λίνος καὶ Κλαυδία καὶ οἱ ἀδελφοὶ πάντες. 22 Ὁ Κύριος Ἰησοῦς Χριστὸς μετὰ τοῦ πνεύματός σου. Ἡ χάρις μεθ’ ὑμῶν· ἀμήν.
|
Reference address : https://ellopos.net/elpenor/greek-texts/new-testament/timothy_2/4.asp
CHARGE thee
therefore before God, and the Lord Jesus Christ, who shall judge the
quick and the dead at his appearing and his kingdom; 2 Preach the
word; be instant in season, out of season; reprove, rebuke, exhort
with all longsuffering and doctrine. 3 For the time will come when
they will not endure sound doctrine; but after their own lusts shall
they heap to themselves teachers, having itching ears; 4 And they
shall turn away their ears from the truth, and shall be turned unto
fables. 5 But watch thou in all things, endure afflictions, do the
work of an evangelist, make full proof of thy ministry. 6 For I am now
ready to be offered, and the time of my departure is at hand. 7 I have
fought a good fight, I have finished my course, I have kept the faith:
8 Henceforth there is laid up for me a crown of righteousness, which
the Lord, the righteous judge, shall give me at that day: and not to
me only, but unto all them also that love his appearing. 9 Do thy
diligence to come shortly unto me: 10 For Demas hath forsaken me,
having loved this present world, and is departed unto Thessalonica;
Crescens to Galatia, Titus unto Dalmatia. 11 Only Luke is with me.
Take Mark, and bring him with thee: for he is profitable to me for the
ministry. 12 And Tychicus have I sent to Ephesus. 13 The cloke that I
left at Troas with Carpus, when thou comest, bring with thee, and the
books, but especially the parchments. 14 Alexander the coppersmith did
me much evil: the Lord reward him according to his works: 15 Of whom
be thou ware also; for he hath greatly withstood our words. 16 At my
first answer no man stood with me, but all men forsook me: I pray God
that it may not be laid to their charge. 17 Notwithstanding the Lord
stood with me, and strengthened me; that by me the preaching might be
fully known, and that all the Gentiles might hear: and I was delivered
out of the mouth of the lion. 18 And the Lord shall deliver me from
every evil work, and will preserve me unto his heavenly kingdom: to
whom be glory for ever and ever. Amen. 19 Salute Prisca and Aquila,
and the household of Onesiphorus. 20 Erastus abode at Corinth: but
Trophimus have I left at Miletum sick. 21 Do thy diligence to come
before winter. Eubulus greeteth thee, and Pudens, and Linus, and
Claudia, and all the brethren. 22 The Lord Jesus Christ be with thy
spirit. Grace be with you. Amen.